阮兒 驚狗變愛狗

阮兒 驚狗變愛狗

SHARE

曾在《殭》飾演神秘人Xenia、《愛回家》飾演馬子仁的妻子Pinky,鏡頭前的阮兒Chloe總是形象百變,鏡頭後卻是兩隻得意愛犬的廿四孝主人。由以前「見到狗要調頭走」,到今天「見少一日都唔得」,即使通宵工作也堅持每早帶牠們散步。對牠們百般疼愛,或許是因為牠們都得來不易吧!

螢幕快照 2016-06-01 15.32.45

親睹愛犬誕生一刻

很多人的狗兒都是等幾個月或一兩歲大才領回來,Chloe卻見證了愛犬Long Long誕生的一刻。「當時都幾突然,朋友屋企有隻大肚狗,有一日佢突然急call話就嚟生得!但佢做緊嘢行唔開,就叫我同獸醫即刻上佢到幫手,但我完全無接生經驗,好擔心唔知會點。」

Chloe憶述雖然大部份時間都是看著獸醫接生,但整個過程都很慌張,「好彩最後母子平安,三隻狗BB都順利誕生,仲記得當時畫面好感動!」經朋友答應後,Chloe「抱得美狗歸」,將其中一隻只有手掌般大小、全身如黑巧克力的男貴婦領回家,至今已有兩年多。

內心猶豫 曾三赴寵物店

至於另一頭愛犬Chow Chow則是Chloe「三顧草廬」,先後到寵物店探望牠三次,內心經過多番折騰後才領回來。「人人養鬆獅都想養男仔,因為睇落靚啲,Chow Chow雖然可愛,但基於佢喺女仔所以一直都無人要。當時我第一眼見到佢,已經好有衝動想買佢番嚟,但鬆獅始終唔喺一般細狗,我驚自己未必應付到,所以都喺決定唔養。」

她們的緣份又怎止於此?回家之後,Chloe心裡仍未放下要養Chow Chow的念頭,「我搵過好多資料,發現鬆獅真喺唔易養。但我又心掛掛番寵物店探佢,第二次仍然忍得住,但到第三次都喺決定買!」幸好,Chow Chow算是比較乖巧聽話的鬆獅犬,經過訓犬師簡單訓練,Chloe很快便掌握馴服牠的竅門。

螢幕快照 2016-06-01 15.33.57 螢幕快照 2016-06-01 15.35.54

大哥爭寵示主權

Chow Chow初來報到時,家中大哥Long Long曾為爭寵掀起「世界大戰」,「阿Long一向都知邊個位係廁所,但Chow Chow嚟咗之後竟然周圍『霸地盤』,又成日呷醋,每晚一定要瞓喺我間房。Chow Chow喺好乖好斯文既女仔,從來唔會亂去廁所或者挑釁對方。」但Chloe稱Chow Chow性格內向,花了好幾個月時間才熟習家中環境。

兩兄妹性格極端

Chloe指牠們雖然體型一大一小,性格極端,但相處總算和睦。「佢地會互相影響對方,Chow Chow以前好文靜,依家開始變得活潑;阿Long就收儉番啲,無以前咁粗魯。不過只限屋企!一出到街,佢地又會變番原本咁。」她笑指有次帶牠們參加狗派對,Long Long看到現場眾多狗美女,四圍主動挑逗,令她非常尷尬。但Chow Chow則全程待在Chloe身旁,不與其他主人和狗兒玩樂,是個不折不扣的含羞女孩。

螢幕快照 2016-06-01 15.43.48 螢幕快照 2016-06-01 15.45.03

曾被咬傷 少時很怕狗

很多人以為Chloe自小在荷蘭長大,該不會懼怕狗兒,但原來她小時候有被狗咬傷的經歷,心裡曾留下一道陰影。「好記得一次喺公園被隻老虎狗追住,佢咬咗我一啖之後走咗,但自此我好驚狗。當年鄰居有養狗,我每逢出門口一聽到狗吠聲,就會提心吊膽,一直到長大之後都未克服到。」 直到有一次,Chloe在朋友家遇到一隻很溫順、很喜歡和別人玩耍的松鼠狗,陰霾才逐漸消失。「以前一向唔敢接觸狗,係街見到都會避之則吉。其實一開始見到隻松鼠狗都好驚,但慢慢被佢可愛既樣貌同性格吸引住,我無諗過原來有啲狗係咁得意!」

事事親力親為

現時家中兩隻毛孩都由Chloe主力照顧,每朝早都會帶牠們到狗公園。「佢地每日準時8點就會起身叫醒我,如果唔帶佢地落街就會一直煩住,所以就算我要通宵工作,朝早6點幾先番到屋企,我都一定要帶完佢地去散步先有覺好瞓。」 除了散步,Chloe每個月也會帶牠們到寵物酒店洗澡和修毛,「起初要搵酒店都幾麻煩,因為有啲酒店覺得鬆獅好難處理,寧願唔做生意,搵咗好多間先有一間肯應承!」雖然獨力照顧兩隻愛犬並非易事,但Chloe毫無怨言,認為一切都很值得。

螢幕快照 2016-06-01 15.46.51

後記:養狗可以練肌肉?

拍攝當日Long Long非常活潑,經常搶鏡。但當他們仨一起拍照卻好不容易,只因Chow Chow實在太害羞了,閃光燈一眨便自動走開,多得Chloe費盡九牛二虎之力,抱起了笨重的牠才能順利完成拍攝,事後Chloe更笑稱自從養了牠們之後手臂更結實了!

LEAVE A REPLY