【邊個話貓一定怕水?】東南亞獨有潛水貓-漁貓Fishing Cat

【邊個話貓一定怕水?】東南亞獨有潛水貓-漁貓Fishing Cat

SHARE

小編相信,所有嘅貓奴們都試過幫屋企嘅大帝沖涼⋯幫大帝沖涼,可以話係一件SSS級難度嘅任務。由你一抱起佢,再帶入廁所,浴室都未行入去,大帝就可能已經伸晒爪,死撐,用盡氣力跳走;喺呢個過程入面,你嘅心口、手臂,甚至想像唔到嘅位置都應該會損咗⋯不過,成個地球上面,其實係有貓唔怕水,仲會自己去游水、潛水㗎!

fishing-cat-1294659_960_720

嗱嗱嗱!你唔好以為佢係普通貓呀!仲一啲都唔普通㗎!佢係傳說中識游水、潛水嘅貓-漁貓(Fishing Cat)!漁貓係咩?其實佢同豹貓係近親,一直都生存喺海拔1500米以下嘅河流、溪流、蘆葦濕地同紅樹林濕地等淡水資源豐富嘅區域。所謂「靠山食山、靠水食水」,佢哋正正就係「食水」嘅一群,食得水就自然會落水搵食,佢哋嘅主要獵物為淡水魚、蛙類、淡水龍蝦、蟹、甲殼類、軟體動物同部分陸地動物。漁貓嘅趾間有半蹼,令佢哋極為擅長游泳同潛水;但因為爪鞘比較短,腳趾無法完全縮回,令佢同其他貓科動物有好大區別。

Tongteng-cat
圖片來源:WFFT

不過,現時東南亞嘅發展極快,令佢哋畀IUCN評定為瀕危狀態,主要嘅生存威脅嚟自其極為依賴嘅濕地同森林被大量破壞而成為農業用地,以及漁業資源嘅過度開發。目前漁貓嚟阿富汗已經確定滅絕,在馬來西亞同中國都已極為罕見。

cat-920242_960_720

見到已經陷於滅亡邊緣嘅漁貓,其實有唔少機構同國家都已經有所行動,好似中國就已經將漁貓列為國家二級保護動物。而泰國嘅WFFT-泰國野生動物之友基金會嘅人員表示,近3年嚟漁貓嘅數量急速減少,追蹤個體研究,發現佢哋當中有83%被殺或死亡,尤其喺泰國嘅情況就最嚴重。

 

LEAVE A REPLY