【星寵專訪系列 另類愛狗人-楊潮凱】愛犬充當大哥哥

【星寵專訪系列 另類愛狗人-楊潮凱】愛犬充當大哥哥

SHARE

螢幕快照 2017-04-03 下午05.24.48

哥哥養狗 一家相處融洽

雖然童年想養狗的夢想始終未有實現, 但同是愛狗之人的哥哥和嫂子幾年前竟買了一隻短腳狗回來-但這次不是哥基,而是臘腸狗Horlicks。潮凱憶述,聽見哥哥養狗後雀躍不已,立即飛奔看這隻小狗。他說Horlicks很乖巧很聽話,初到家中時曾隨處小便,但後來只「話咗一兩句」便沒有再犯,就連本身怕狗的媽媽和姊姊只用了一星期便敢抱起牠,一家人相處得十分融洽。但他笑說Horlicks已被家人寵壞、吃得太多美食,如今已變成「肥Lick」了。

螢幕快照 2017-04-03 下午05.25.47

愛犬充當大哥哥

「自從哥哥一家養咗Horlicks之後,我開始明白到點解啲人會形容狗有人性。」潮凱如是說,是因為姪女出生,Horlicks不單沒有爭寵,反而對BB愛護有加。「佢平時會喺客廳瞓覺,但只要一聽到喊聲,就會去我哥哥嘅房門前大聲吠叫,叫醒晒全屋嘅人嚟睇佢。有時食緊飯,BB喺房瞓覺, Horlicks會突然間吠,原來佢聽到BB喊緊,俾緊提示我地。」潮凱更指Horlicks只會讓家人抱BB,如果其他親朋戚友來到,牠則會吠叫、呼喝人們,希望保護BB。

螢幕快照 2017-04-03 下午05.26.30

盼領養 拒買狗

有些家庭或因B B 出生為由棄養寵物, 但潮凱指Horlicks的出現反而令一家人有更多Family Time,閒時一家大小會一起到沙灘游泳,潮凱有空時亦會遛狗,帶牠到公園奔馳。即使在家中,貪玩的Horlicks也經常逗人玩耍,共享天倫之樂。

養狗是一生一世的承諾,縱使潮凱暫未有養狗的打算,但他強調假如有一天決心要養,都鐵定去領養而非購買。「被遺棄嘅狗更需要人照顧,佢地其實就好似孤兒咁,成長路上好需要一個家庭去support,何況如果佢地一直無人領養,可能會被人道毀滅,有咩理由唔去領養呢?」潮凱更說減少購買, 被遺棄的動物自然更少,希望能藉以幫助到更多動物。

螢幕快照 2017-04-03 下午05.28.00

狗隻提供╱Kapokku Petto Shoppu Limited 

LEAVE A REPLY