【星寵專訪系列】因狗得愛-伍允龍PHILIP

【星寵專訪系列】因狗得愛-伍允龍PHILIP

SHARE

螢幕快照 2017-04-05 下午12.52.35 「養寵物令我得到好多愛!」武打出身的伍允龍Philip是個溫柔的愛狗之人,雖然一身健碩肌肉, 他卻始終偏愛小型犬。曾養過三隻狗,自小已經與狗結緣,人生的高低起伏都有愛犬作伴。對他來說,每隻狗都如家人一樣,生命因牠們而美麗。

螢幕快照 2017-04-05 下午02.28.45

一個童年夢想

每個人的童年都有個願望,Philip也不例外,對於從小已愛狗的他來說,養約瑟爹利是多年來的最渴望做的事之一, 「我覺得佢地啲毛色好靚,而且細細粒,個樣夠晒Cute!想養好耐㗎喇,可惜一直都未有機會。」多年來,Philip從未忘記這個童年夢,直到兩年多前因為一個電話,他和約瑟爹利的緣份終於接通。

從前與家人在芝加哥同住,一家先後養過兩隻狗,後來Philip 獨自回港發展事業,雖然心繫小狗,卻擔心自己照顧不來,很快便打消養狗念頭。但有一次,好友安志杰要到外地拍戲,便將愛犬Charlie交託給他照顧,而Charlie正好是一隻約瑟爹利。「果次喺我人生第一次養約瑟爹利,發覺原來唔駛好多工夫,簡單餵吓糧、少少零食,得閒放吓狗就得,就算一個人都可以應付到。」那次之後,Philip照顧狗隻的技巧純熟了不少,亦開始決心要養約瑟爹利, 只是一直都未覓得心頭好。

螢幕快照 2017-04-05 下午02.22.16

上天安排的愛犬

「後來朋友經過一間寵物店,見到一隻好得意嘅約瑟爹利,就影低send俾我睇。」Philip 一見到相,便立即放下了手頭工作衝去寵物店,皆因這隻約瑟爹利BB實在太可愛,慢一步恐怕會被人抱走!甫進店內,一隻幾個月大的狗BB隔著櫥窗,迎面撲過來,似乎想擁在Philip懷裡。當下他沒有翻看照片確認,便認定這隻是一直想找的愛犬,二話不說「抱得美犬歸」。

「我覺得Emme就好似上天安排咁,佢初初番到屋企果陣已經好乖,唔駛訓練就知道廁所位置;又成日嗲人、要人抱,真喺冧到暈,哈哈!」。每天下班回家,Emme總會將玩具箱內一件件玩具排列在門口,等候Philip回家玩耍;當他躺在沙發休息時,又自動自覺睡在其胸口、大腿上,陪他看電視玩遊戲機。Philip更打趣說,自己其實很想跟牠一起睡覺,「但佢實在太細粒,同佢瞓我驚會夾扁佢,唯有分床瞓啦!但佢張床仔都好舒服架!」




LEAVE A REPLY